КАПИТАЛ АССЕТ МЕНАЏМЕНТ

Услугата управување со портфолио на хартии од вредност е наменета за инвеститори кои имаат парични средства за инвестирање на подолг временски рок, сакаат да направат профит од своите инвестирани средства, а притоа имајќи ја можноста за впаричување на средствата на брз и едноставен начин во секое време. Оваа услуга подразбира дека нашите професионални портфолио менаџери ќе го направат сето тоа во Ваше име и за Ваша сметка. Во последниве години значително се намалија каматните стапки на депозитите во банките. На Вас Ви треба решение со кое Вашите средства ќе се оплодуваат со значително поголем процент. Иако во нашата земја нема традиција за вложување во акции, во минатото акциите на светските берзи се покажале дека се најдобар инструмент за долгорочно инвестирање кои носат зголемување на капиталот. Кога Вие самостојно би инвестирале во акции би требало да вложите многу време, да имате знаење за да направите анализа на компаниите чии акции сакате да ги купите, да донесете одлука кога да ги продадете и постојано да ги собирате и обработувате информациите поврзани со акциите во кои што сте инвестирале. Најголем дел од инвеститорите се соочуваат со недостаток или на време или на знаење или на актуелна информација, па така често се случува да донесат погрешна одлука во погрешно време, најчесто водени од емоции. Поради тоа ако сакате Вашите средства да ги вложите во акции најдобро е да ги контактирате нашите професионални портфолио менаџери кои имаат врвни знаења и вештини за вложување во акции, долгогодишно искуство и одлуките ги донесуваат врз рационална основа базирана на резултатите добиени од деталните фундаментални и технички анализи. За повеќе информации закажете средба.